बिसिजी (BCG) खोप

                    बि.सि.जी. खोपले बच्चाहरूलाई क्षयरोग विरुद्ध सुरक्षा प्रदान गर्दछ । वि.सि.जी. को पूरा अर्थ व्यासिलस क्यालमेट ग्यूरिन (Bacillus Calmatte Guerine) हो । व्यासिलसले ब्याक्टेरीयाको आकार बुझाउँछ भने क्यालमेट र ग्यूरिनले यो खोप पत्ता लगाउने व्यक्तिहरूको नाम बताउँछ ।  यो खोप कमजोर पारिएको जिवित जिवाणु (Live Attenuated) वाट बनाइएको हुन्छ ।

खोप दिने उमेर
यो ०.०५ मि.ली. बच्चा जन्मनेवित्तिकै देखि एकबर्षको उमेरभित्र एक पटक दिइन्छ ।

दिनुपर्ने मात्रा 
एक मात्रा

खोप दिने स्थान
दायाँ पाखुराको माथिल्लो बाहिरी भाग ।

खोप दिने तरीका
यो खोप छालामा दिइन्छ । खोप दिनु अगाडि शिशुलाई सही आसनमा राखी सूईलाई १५० कोणमा राखी
छालामा दिनुपर्दछ ।

खोप दिन नहुने अवस्था
► एच.आई.भी संक्रमित शिशुहरु
► सिकिस्त विरामी (तर निको भइसकेपछि दिनुपर्दछ),
► कडा कुपोषण

आमा/अभिभावकलाई सुझाब
✿ खोप दिएको स्थानमा माड्नुहुँदैन साथै अन्य कुनैपनि चीज जस्तै तेल साबुन आदि पार्नुहुँदैन ।
✿ बि.सि.जी. सुई दिएको स्थानमा धेरैजसो बच्चाहरूमा प्रतिक्रिया स्वरुप पाक्न जान्छ । यो २ हप्तासम्म रहनसक्छ ।
✿ साधारणतया बि.सि.जी. खोप दिएको स्थानमा सानो डल्लो/फोका जस्तो देखापर्दछ ।
✿ खोप पश्चात् छाला पाक्नु भनेको रोगसँग लड्ने शक्ति प्राप्त गरेको चिन्ह हो ।